संत नामदेव महाराज आणि पांडुरंगाच्या पालखी सोहळ्याचे पुरंदरमध्ये जल्लोषात स्वागत; नीरा घाटावर विधी, ५५०० वारकऱ्यांचा सहभाग
पंढरपूरहून आळंदीच्या मार्गावर संत नामदेव महाराज व पांडुरंगाचा पालखी सोहळा
संत नामदेव महाराज व पांडुरंगाची पालखी पुरंदरमध्ये दाखल; संजीवन समाधी सोहळ्यासाठी भक्तांचा उत्साह
पुरंदर (नीरा) — संत ज्ञानेश्वर महाराजांच्या ७५५ व्या संजीवन समाधी सोहळ्यासाठी सुरू असलेला संत नामदेव महाराजांचा व पंढरपूरच्या पांडुरंगाचा पायी पालखी सोहळा रविवारी पुरंदर तालुक्यात, नीरा येथे उस्फुर्त जल्लोषात दाखल झाला. सकाळी संत नामदेवांच्या व साडेअकराच्या सुमारास पांडुरंगाच्या पादुकांना नीरा नदीतील दत्त घाटावर विठ्ठल नाम जयघोषात स्नान घालण्यात आले.
या सोहळ्यात कोल्हापूर, सांगली, सातारा, कोकण व कर्नाटकातून सद्गोपाळ वारकरी सहभागी झाले.यावर्षी पालखी सोहळ्यात साडेपाच हजार वारकरी चालत आहेत. सोहळा प्रमुख विठ्ठल वासकर यांनी टँकरपासून महाप्रसाद व भक्तांसाठी सर्व व्यवस्था पुरविली. पालखी सोबत नामदेव महाराजांचे वंशजही सहभागी झाले.
सोहळ्याचा पुढील मुक्काम वाल्हे येथे असून, नीरा येथून लोणंदमार्गे प्रस्थान केले. यावेळी शिंपी समाज व झांबरे परिवाराने महाप्रसादाचे आयोजन केले होते. नीरा विठ्ठल मंदिर आणि दत्त मंदिरात महाआरती झाली.
FAQs
- संत नामदेव महाराज पालखी सोहळा कुठे दाखल झाला?
- पुरंदर तालुक्यातील नीरा येथे.
- या सोहळ्याच्या निमित्ताने कोणती विधी झाली?
- नावदेव आणि पांडुरंग पादुकांना नीरा नदी घाटावर स्नान घालण्यात आले.
- यावर्षी किती वारकरी सहभागी झाले?
- सुमारे ५५०० वारकरी.
- पालखी सोहळ्याचा पुढील मुक्काम कुठे आहे?
- वाल्हे गावात.
- कोणकोणत्या जिल्ह्यातून भक्त सहभागी झाले?
- कोल्हापूर, सांगली, सातारा, कोकण व कर्नाटक.
Leave a comment